lalitha sahasra namalu / లలితా సహస్రనామ స్తోత్రమ్

శ్రీ లలితా సహస్రనామ స్తోత్రమ్ 

ఓం అస్య శ్రీ లలితా సహస్ర నామ స్తోత్రమహా మంత్రస్య |

వశిన్యాది వాగ్దేవతా ఋషయః |

అనుష్టుప్ ఛందః ||

శ్రీలలితా పరమేశ్వరీ దేవతా |

శ్రీమద్వాగ్భవ కూటేతి బీజం |

మధ్యకూటేతి శక్తిః |

శక్తికూటేతి కీలకం |

శ్రీ లలితా మహా త్రిపుర సుందరీ ప్రసాదసిద్ధిద్వారా

చింతితఫలావాప్త్యర్థే జపే వినియోగః |

ధ్యానము

సింధూరారుణ విగ్రహాం, త్రినయనాం మాణిక్యమౌళి స్ఫుర 

త్తారా నాయక శేఖరాం, స్మితముఖి మాపీన వక్షోరుహాం | 

పాణిభ్యామళిపూర్ణ రత్న, చషకం రక్తోత్పలం బిభ్రతీం 

సౌమ్యాం రత్న ఘటస్థ రక్త, చరణాం ధ్యాయేత్ పరామంబికాం ||

అరుణాం కరుణా తరంగితాక్షీం

ధృత పాశాంకుశ పుష్ప బాణచాపాం | 

అణిమాదిభి రావృతాం మయూఖై 

రహమిత్యేవ విభావయే భవానీం ||

ధ్యాయేత్ పద్మాసనస్థాం వికసితవదనాం పద్మపత్రాయతాక్షీం 

హేమాభాం పీతవస్త్రాం కరకలిత, లసత్ హేమ పద్మాం వరాంగీం | 

సర్వాలంకార యుక్తాం సతత మభయదాం భక్తనమ్రాం భవానీం 

శ్రీవిద్యాం శాంత మూర్తిం సకల సురనుతాం సర్వ సంపత్ప్రదాత్రీం ||

సకుంకుమ విలేపనామలికచుంబి కస్తూరికాం 

సమంద హసితేక్షణాం సశరచాప పాశాంకుశాం | 

అశేషజన మోహినీం అరుణ మాల్య భూషోజ్జ్వలాం 

జపాకుసుమ భాసురాం జపవిధౌ స్మరే దంబికాం ||

లలితా సహస్రనామ స్తోత్రము

ఓం శ్రీమాతా శ్రీమహారాజ్ఞి శ్రీమత్సింహాసనేశ్వరీ | 

చిదగ్ని-కుండ సంభూతా దేవకార్య సముద్యతా || 1 ||

ఉద్యద్భాను-సహస్రాభా చతుర్బాహు సమన్వితా | 

రాగస్వరూప-పాశాఢ్యా క్రోధాకారాంకుశోజ్జ్వలా || 2 ||

మనోరూపేక్షు కోదండా పంచతన్మాత్ర సాయకా | 

నిజారుణప్రభాపూర మజ్జద్మండ మండలా || ౩ ||

చంపకాశోక-పున్నాగ-సౌగన్ధికలసత్కచా | 

కురువిందమణి-శ్రేణి-కనత్కోటీర-మండితా || 4 ||

అష్టమీచంద్రవిభ్రాజ దళికస్థల శోభితా | 

ముఖచంద్ర-కళంకాభ మృగనాభి విశేషికా || 5 ||

వదనస్మర–మాంగల్య– గృహతోరణ చిల్లికా | 

వక్త్రలక్ష్మి పరీవాహ చలన్మీనాభ లోచనా || 6||

నవచంపక పుష్పాభ నాసాదండ విరాజితా | 

తారాకాంతి తిరస్కారి నాసాభరణ భాసురా || 7 ||

కదంబమంజరీ క్లుప్త-కర్ణపూర మనోహరా | 

తాటంక-యుగళీ-భూత తపనోడుప మండలా || 8 ||

పద్మరాగ పరిభావి కపోలభూః | 

నవవిద్రుమ న్యక్కారి దశనచ్చదా || 9 ||

శుద్ధ-విద్యాంకురాకార ద్విజపంక్తి ద్వయోజ్జ్వలా | 

కర్పూర– వీటికామోద–సమాకర్ష దిగంతరా|| 10 || 

నిజ–సల్లాప మాధుర్య వినిర్భర్త్సిత కచ్చపీ || 

మందస్మిత ప్రభాపూర మజ్జత్కామేశ మానసా || 11 ||

అనాకలిత సాదృశ్య చుబుకశ్రీ విరాజితా | 

కామేశ బద్ధ-మాంగల్య-సూత్ర శోభిత కంథరా || 12 ||

కనకాంగద కేయూర కమనీయ భుజాన్వితా |  

రత్నగ్రైవేయ చింతాక-లోల ముక్తాఫలాన్వితా || 13 ||

కామేశ్వర—ప్రేమరత్న-మణి ప్రతిపణస్తనీ |

నాభ్యాలవాల రోమాళి లతా ఫల కుచద్వయీ || 14 ||

లక్ష్యరోమ లతాధారతా సమున్నేయ మధ్యమా| 

స్తనభార దళన్మధ్య పట్టబంధ వళిత్రయా|| 15 ||

అరుణారుణా–కౌసుంభ–వస్త్ర భాస్వత్ కటీతటి | 

రత్న-కింకిణికా-రమ్య-రశనా దామ భూషితా || 16 ||

కామేశ జ్ఞాత-సౌభాగ్య-మార్దవోరు - ద్వయాన్వితా |

మాణిక్య-ముకుటాకార జానుద్వయ విరాజితా || 17 ||

ఇంద్రగోప-పరిక్షిప్త స్మరతూణాభ జంఘికా | 

గూఢగుల్ఫా కూర్మపృష్ఠ-జయిష్ణు- ప్రపదాన్వితా || 18 ||

నఖదీధితి–సంఛన్న–నమజ్జనతమోగుణా || 

పదద్వయ- ప్రభాజాల పరాకృత సరోరుహా || 19 ||

శింజాన–మణిమంజీర–మండిత శ్రీ పదాంబుజా |

మరాళీ మందగమనా మహాలావణ్య- శేవధిః || 20 ||

సర్వారుణానవద్యాంగీ సర్వాభరణ భూషితా | 

శివ-కామేశ్వరాంకస్థా శివా స్వాధీన వల్లభా || 21 ||

సుమేరు– శృంగ—మధ్యస్థా శ్రీమన్నగర-నాయికా | 

చింతామణి గృహాంతస్థా పంచ బ్రహ్మాసన స్థితా || 22 ||

మహాపద్మాటవీ-సంస్థా కదంబవన వాసినీ |

సుధాసాగర మధ్యస్థా కామాక్షీ కామదాయినీ || 23 ||

దేవర్షిగణసంఘాతస్తూయమానాత్మవైభవా | 

భండాసుర– వధోద్యుక్త– శక్తిసేనా సమన్వితా || 24 ||

సంపత్కరీ సమారూఢ-సింధుర వ్రజ సేవితా |

అశ్వారూఢాధిష్ఠితాశ్వకోటికోటిభిరావృతా || 25 ||

చక్రరాజ రథారూఢ-సర్వాయుధ పరిష్కతా | 

గేయచక్ర-రథారూఢ- మన్త్రిణీ పరిసేవితా || 26 ||

కిరిచక్ర-రథారూఢ-దండ నాథా పురస్కృతా | 

జ్వాలా మాలినికాక్షిప్త– వహ్నిప్రాకార మధ్యగా || 27 ||

భండసైన్య వధోద్యుక్త శక్తి విక్రమ-హర్షితా | 

నిత్యా-పరాక్రమాటోప నిరీక్షణ సముత్సుకా || 28 ||

భండపుత్ర వధోద్యుక్త బాలా విక్రమ నందితా |

మస్త్రిణ్యంబా–విరచిత–విషంగ వధ తోషితా || 29 || 

విశుక్ర-ప్రాణహరణా–వారాహీ వీర్య - నందితా |

కామేశ్వర-ముఖాలోక-కల్పిత - శ్రీగణేశ్వరా || 30 ||

మహాగణేశ–నిర్భిన్న – విఘ్నయంత్ర ప్రహర్షితా | భండాసురేంద్ర నిర్ముక్త శస్త్ర- ప్రత్యస్త్ర వర్షిణీ || 31 ||

కరాంగుళి – నఖోత్పన్న - నారాయణదశాకృతిః | 

మహా-పాశుపతాస్త్రాగ్ని-నిర్దగ్ధాసుర సైనికా || 32 ||

కామేశ్వరాస్త్ర నిర్దగ్ధ– సభండాసుర శూన్యకా | 

బ్రహె్మూపేంద్ర మహేంద్రాది దేవ సంస్తుత వైభవా || 33 ||

హర-నేత్రాగ్ని – సందగ్ధ-కామ-సంజీవనౌషధిః |

శ్రీమద్వాగ్భవ-కూటైక-స్వరూప ముఖ పంకజా || 34 ||

కంఠాధః–కటి పర్యంతమధ్యకూటస్వరూపిణీ | 

శక్తి-కూటైక తాపన్న-కట్యధోభాగ ధారిణీ || 35 ||

మూల మంత్రాత్మికా మూలకూటత్రయ కళేబరా | 

కులామృతైక రసికా కులసంకేత పాలినీ || 36 ||

కులాంగనా కులాంతస్థా కౌళినీ కులయోగినీ | 

అకులా సమయాంతస్థా సమయాచార తత్పరా || 37 ||

మూలాధారైకనిలయా బ్రహ్మగ్రంథివిభేదినీ

మణిపూరాంతరుదితా విష్ణుగ్రంథి విభేదినీ || 38 ||

ఆజ్ఞాచక్రాంతరాలస్థా రుద్రగ్రంధి విభేదినీ |

సహస్రారాంబుజారూఢా సుధా సారాభివర్షిణీ || 39||

తటిల్లతా–సమరుచిః షట్చక్రోపరిసంస్థితా | 

మహాశక్తిః కుండలినీ బిసతంతు తనీయసీ || 40 ||

భవానీ భావనాగమ్యా భవారణ్యకుఠారికా | 

భద్రప్రియా భద్రమూర్తిర్ భక్త-సౌభాగ్యదాయినీ || 41 ||

భక్తిప్రియా భక్తిగమ్యా భక్తివశ్యా భయాపహా |

శాంభవీ శారదారాధ్యా శర్వాణీ శర్మదాయినీ || 42 ||

శాంకరీ శ్రీకరీ సాధ్వీ శరచ్చంద్రనిభాననా |

శాతోదరీ శాంతిమతీ నిరాధారా నిరంజనా || 43 ||

నిర్లేపా నిర్మలా నిత్యా నిరాకారా నిరాకులా | 

నిర్గుణా నిష్కళా శాంతా నిష్కామా నిరుపప్లవా || 44 ||

నిత్యముక్తా నిర్వికారా నిష్ప్రపంచా నిరాశ్రయా | 

నిత్యశుద్ధా నిత్యబుద్ధా నిరవద్యా నిరంతరా || 45 ||

నిష్కారణా నిష్కళంకా నిరుపాధిర్ నిరీశ్వరా | 

నీరాగా రాగమథనీ నిర్మదా మదనాశినీ || 46 ||

నిశ్చింతా నిరహంకారా నిర్మోహా మోహనాశినీ |

నిర్మమా మమతా హంత్రీ నిష్పాపా పాపనాశినీ || 47 ||

నిష్క్రిధా క్రోధశమనీ నిర్లోభా లోభనాశినీ|

నిస్సంశయా సంశయఘ్నీ నిర్భవా భవనాశినీ|| 48 ||

నిర్వికల్పా నిరాబాధా నిర్భేదా భేదనాశినీ |

నిర్నాశా మృత్యుమథనీ నిష్క్రియా నిష్పరిగ్రహా || 49 ||

నిస్తులా నీలచికురా నిరపాయా నిరత్యయా|

దుర్లభా దుర్గమా దుర్గా దుఃఖహంత్రీ సుఖప్రదా || 50 ||

దుష్టదూరా దురాచార–శమనీ దోషవర్జితా| 

సర్వజ్ఞా సాంద్రకరుణా సమానాధిక- వర్జితా || 51 ||

సర్వశక్తిమయీ సర్వ– మంగళా సద్గతిప్రదా|

సర్వేశ్వరీ సర్వమయీ సర్వమంత్ర స్వరూపిణీ || 52 ||

సర్వ-యంత్రాత్మికా సర్వ-తంత్రరూపా మనోన్మనీ | 

మాహేశ్వరీ మహాదేవీ మహాలక్ష్మీర్ మృడప్రియా|| 53 ||

మహారూపా మహాపూజ్యా మహాపాతక నాశినీ|

మహామాయా మహాసత్త్వా మహాశక్తిర్మహారతిః || 54 ||

మహాభోగా మహైశ్వర్యా మహావీర్యా మహాబలా | 

మహాబుద్ధిర్ మహాసిద్దిర్ మహాయోగేశ్వరేశ్వరీ || 55 ||

మహాతంత్రా మహామంత్రా మహాయంత్రా మహాసనా | 

మహాయాగక్రమారాధ్యా మహాభైరవపూజితా || 56 ||

మహేశ్వర-మహాకల్ప- మహాతాండవసాక్షిణీ |

మహాకామేశ మహిషీ మహాత్రిపుర సుందరీ || 57 ||

చతుష్షష్ట్యుపచారాఢ్యా చతుష్షష్టికళామయీ | 

మహాచతుఃషష్టికోటి-యోగినీ- గణసేవితా || 58 ||

మనువిద్యా చంద్రవిద్యా చంద్రమండల మధ్యగా | 

చారురూపా చారుహాసా చారుచంద్ర కళాధరా || 59 ||

చరాచర– జగన్నాథా చక్రరాజనికేతనా |

పార్వతీ పద్మనయనా పద్మరాగ–సమప్రభా || 60 || 

పంచ– ప్రేతాసనాసీనా పంచబ్రహ్మ స్వరూపిణి |

చిన్మయీ పరమానందా విజ్ఞాన-ఘనరూపిణీ || 61 ||

ధ్యానధ్యాతృధ్యేయరూపా ధర్మాధర్మ వివర్జితా | 

విశ్వరూపా జాగరిణీ స్వపన్తీ తైజసాత్మికా || 62 ||

సుప్తా ప్రాజ్ఞాత్మికా తుర్యా సర్వావస్థావివర్జితా | 

సృష్టికర్త బ్రహ్మరూపా గోప్త్రీ గోవిందరూపిణీ || 63 ||

సంహారిణీ రుద్రరూపా తిరోధాన- కరీశ్వరీ | 

సదాశివానుగ్రహదా పంచకృత్య-పరాయణా || 64 ||

భానుమండ ల—మధ్యస్థా భైరవీ భగమాలినీ |

పద్మాసనా భగవతీ పద్మనాభసహోదరీ || 65 ||

ఉన్మేష నిమిషోత్పన్న- విపన్న - భువనావళి |

సహస్రశీర్షవదనా సహస్రాక్షి సహస్రపాత్ || 66 ||

ఆబ్రహ్మ-కీట-జననీ వర్ణాశ్రమ-విధాయినీ | 

నిజాజ్ఞారూపనిగమా పుణ్యాపుణ్యఫలప్రదా || 67 ||

శ్రుతి-శ్రీమంత–సింధూరీ-కృత-పాదాబ్జ-ధూళికా | 

సకలాగమ సందోహ– శుక్తి-సంపుట- మౌక్తికా || 68 ||

పురుషార్థప్రదా పూర్ణా భోగినీ భువనేశ్వరీ | 

అంబికానాది నిధనా హరి బ్రహ్మేంద్ర సేవితా || 69 ||

నారాయణీ నాదరూపా నామరూపవివర్జితా |

హ్రీంకారీ హ్రీమతీ హృద్యా హేయోపాయ-వర్జితా || 70||

రాజరాజార్చితా రాజ్జీ రమ్యా రాజీవలోచనా | 

రంజనీ రమణీ రస్యా రణత్కింకిణి మేఖలా || 71 ||

రమా రాకేందువదనా రతిరూపా రతిప్రియా |

రక్షాకరీ రాక్షసఘ్నీ రామా రమణ లంపటా || 72 ||

కామ్యా కామక ళారూపా కదంబ కుసుమ ప్రియా |

కళ్యాణీ జగతీకందా కరుణా రస సాగరా || 73 ||

కళావతీ కళాలాపా కాంతా కాదంబరీప్రియా |

వరదా వామనయనా వారుణీ - మద- విహ్వలా || 74 ||

విశ్వాధికా వేదవేద్యా వింధ్యాచల నివాసినీ |

విధాత్రీ వేదజననీ విష్ణుమాయా విలాసినీ || 75 ||

క్షేత్రస్వరూపా క్షేత్రేశీ క్షేత్ర క్షేత్రజ్ఞ-పాలినీ |

క్షయవృద్ధి- వినిర్ముక్తా క్షేత్రపాల సమర్చితా || 76 ||

విజయా విమలా వంద్యా వందారు జన వత్సలా | 

వాగ్వాదినీ వామకేశీ వహ్నిమండల వాసినీ || 77 ||

భక్తిమత్-కల్పలతికా పశుపాశ విమోచనీ |

సంహృతాశేష-పాషండా సదాచార ప్రవర్తికా || 78 ||

తాపత్రయాగ్ని-సంతప్త సమాహ్లాదన - చంద్రికా | 

తరుణీ తాపసారాధ్యా తనుమధ్యా తమోపహా || 79 ||

చితిస్తత్పద లక్ష్యార్థా చిదేకరస్వరూపిణి | 

స్వాత్మానంద-లవీభూత-బ్రహ్మాద్యానంద-సంతతిః || 80 ||

పరా ప్రత్యక్చితీరూపా పశ్యంతీ పరదేవతా |

మధ్యమా వైఖరీరూపా భక్త-మానస-హంసికా || 81 ||

కామేశ్వర—ప్రాణనాడీ కృతజ్ఞా కామపూజితా | 

శృంగార–రస-సంపూర్ణా జయా జాలంధర స్థితా || 82 ||

ఓడ్యాణపీఠ– నిలయా బిందు-మండలవాసినీ | 

రహెూయాగ–క్రమారాధ్యా రహస్తర్పణ తర్పితా || 83 ||

సద్యః ప్రసాదినీ విశ్వ–సాక్షిణీ సాక్షివర్జితా |

షడంగదేవతా-యుక్తా షాడ్గుణ్య-పరిపూరితా || 84 ||

నిత్యక్లిన్నా నిరుపమా నిర్వాణ సుఖ-దాయినీ |

నిత్యా-షోడశికా–రూపా శ్రీకంఠార్ధ- శరీరిణి || 85 ||

ప్రభావతీ ప్రభారూపా ప్రసిద్ధా పరమేశ్వరీ | 

మూలప్రకృతి రవ్యక్తావ్యక్తావ్యక్త స్వరూపిణి || 86 ||

వ్యాపినీ వివిధాకారా విద్యావిద్యా- స్వరూపిణి | 

మహాకామేశ నయన కుముదాహ్లాద కౌముదీ || 87 ||

భక్త-హార్ద-తమోభేద–భానుమద్భాను- సంతతిః | 

శివదూతీ శివారాధ్యా శివమూర్తిః శివంకరీ || 88 ||

శివప్రియా శివపరా శిష్టేష్టా శిష్టపూజితా | 

అప్రమేయా స్వప్రకాశా మనోవాచాం అగోచరా || 89 ||

చిత్శక్తిః చేతనారూపా జడశక్తిర్ జడాత్మికా | 

గాయత్రీ వ్యాహృతిః సంధ్యా ద్విజబృంద నిషేవితా || 90 ||

తత్త్వాసనా తత్త్వమయీ పంచ-కోశాంతర-స్థితా | 

నిస్సీమ-మహిమా నిత్య-యౌవనా మదశాలినీ || 91 ||

మదఘూర్ణిత రక్తాక్షీ మదపాటల గండభూ: |

చందన—ద్రహదిగ్ధాంగీ చాంపేయ కుసుమాప్రియా || 92 ||

కుశలా కోమలాకారా కురుకుళ్ళా కులేశ్వరీ | 

కులకుండాలయా కౌళ- మార్గ- తత్పర సేవితా || 93 ||

కుమార – గణనాథాంబా తుష్టిః పుష్టిర్ మతిర్ ధృతిః | 

శాన్తిః స్వస్తిమతీ కాంతిర్ నందినీ విఘ్ననాశినీ || 94 ||

తేజోవతీ త్రినయనా లోలాక్షి- కామరూపిణీ | 

మాలినీ హంసినీ మాతా మలయాచల వాసినీ || 95||

సుముఖీ నళినీ సుభ్రూః శోభనా సురనాయికా | 

కాలకంఠీ కాంతి మతీ క్షోభిణీ సూక్ష్మ రూపిణీ || 96||

వజ్రేశ్వరీ వామదేవీ వయోవస్థా—- వివర్జితా |

సిద్ధేశ్వరీ సిద్ధవిద్యా సిద్ధమాతా యశస్వినీ || 97||

విశుద్ధిచక్ర-నిలయారక్తవర్ణా త్రిలోచనా |

ఖట్వాంగాది–ప్రహరణా వదనైక సమన్వితా || 98 ||

పాయసాన్న ప్రియా త్వక్త్సా పశులోక భయంకరీ |

అమృతాది-మహాశక్తి-సంవృతా ఢాకినీశ్వరీ || 99 ||

అనాహతాబ్జ-నిలయా శ్యామాభా వదనద్వయా |

దంస్ట్రో జ్జ్వలాక్ష–మాలాది–ధరా రుధిర సంస్థితా || 100 ||

కాళరాత్ర్యాది—శక్త్యాఘ-వృతా స్నిగ్దౌ దనప్రియా | 

మహావీరేంద్ర–వరదా రాకిణ్యంబా– స్వరూపిణి || 101 ||

మణిపూరాబ్జనిలయా వదనత్రయ సంయుతా |

వజ్రాదికాయుధోపేతా ఢామర్యాదిభిరావృతా || 102 ||

రక్తవర్ణా మాంసనిష్ఠా గుడాన్న - ప్రీత-మానసా |

సమస్తభక్త-సుఖదా లాకిన్యంబా స్వరూపిణి || 103 ||

స్వాధిష్ఠానాంబుజూగతా చతుర్వక్త్ర మనోహరా || 

శూలాద్యాయుధ-సంపన్నా పీతవర్ణాతిగర్వితా || 104 ||

మేధో నిష్ణా మధుప్రీతా బందిన్యాది సమన్వితా |

దధ్యన్నాసక్త-హృదయా కాకినీ - రూపధారిణీ || 105 ||

మూలాధారాంబుజారూఢా పంచ వక్త్రర్థి సంస్థితా |

అంకుశాది- ప్రహరణా వరదాది నిషేవితా || 106 ||

ముద్గౌదనాసక్త చిత్తా సాకిన్యంబా-స్వరూపిణీ |

ఆజ్ఞా చక్రాబ్జ నిలయా శుక్లవర్ణా షడాననా || 107 ||

మజ్జాసంస్థా హంసవతీ– ముఖ్య- శక్తి సమన్వితా |

హరిద్రాన్నైక–రసికా హాకినీ - రూప - ధారిణి || 108 ||

సహస్రదళ పద్మ సర్వ - వర్ణోప శోభితా |

సర్వాయుధధరా శుక్ల-సంస్థితా సర్వతోముఖీ || 109 ||

సర్వౌదన ప్రీతచిత్తా యాకిన్యంబా-స్వరూపిణీ |

స్వాహా స్వధామతిర్ మేధా శ్రుతిః స్మృతిర్ అనుత్తమా || 110 | 

పుణ్యకీర్తిః పుణ్యలభ్యా పుణ్యశ్రవణ కీర్తనా |

పులోమజార్చితా బంధ మోచనీ బంధురాలకా || 111 ||

విమర్శరూపిణీ విద్యా వియదాది జగత్ప్రసూః | 

సర్వవ్యాధి–ప్రశమనీ సర్వమృత్యు నివారిణి || 112 ||

అగ్రగణ్యాచింత్యరూపా కలికల్మష నాశినీ | 

కాత్యాయనీ కాలహంత్రీ కమలాక్ష - నిషేవితా || 113 ||

తాంబూల– పూరిత-ముఖీ దాడిమీ కుసుమ ప్రభా || 

మృగాక్షీ మోహినీ ముఖ్యా మృడాని మిత్రరూపిణీ || 114 || 

నిత్యతృప్తా భక్తనిధిర్ నియంత్రీ నిఖిలేశ్వరీ | 

మైత్ర్యాది- వాసనాలభ్యా మహాప్రళయ-సాక్షిణీ || 115 ||

పరా శక్తిః పరా నిష్ఠా ప్రజ్ఞాన ఘన రూపిణీ || 

మాధ్వీపానాలసా మత్తా మాతృకా - వర్ణ రూపిణీ || 116 ||

మహాకైలాస-నిలయా మృణాల మృదు దోర్లతా | 

మహనీయా దయామూర్తిర్ మహాసామ్రాజ్య శాలినీ || 117 || 

ఆత్మవిద్యా మహావిద్యా శ్రీవిద్యా కామసేవితా |

శ్రీ-షోడశాక్షరీ— విద్యా త్రికూటా కామకోటికా || 118 ||

కటాక్ష-కింకరీ-భూత-కమలా కోటి సేవితా |

శిరఃస్థితా చంద్రనిభా ఫాలఘేంద్ర ధనుఃప్రభా || 119 ||

హృదయస్థా రవిప్రఖ్యా త్రికోణాంతర దీపికా | 

దాక్షాయణి దైత్యహంత్రీ దక్షయజ్ఞ వినాశినీ || 120 ||

దరాందోళిత దీర్ఘాక్షీ దరహాసోజ్జ్వలన్-ముఖి | 

గురుమూర్తిర్ గుణనిధిర్ గోమాతా గుహజన్మభూః || 121 ||

దేవేశీ దండనీతిస్ట్గా దహరాకాశ-రూపిణీ | 

ప్రతిపన్ముఖ్య-రాకాంత-తిథి-మండల పూజితా || 122 ||

కళాత్మికా కళానాథా కావ్యాలాప- వినోదినీ | 

సచామర రమా-వాణి-సవ్య-దక్షిణ- సేవితా || 123 || 

ఆదిశక్తి ర మేయాత్మా పరమా పావనాకృతిః | 

అనేకకోటి-బ్రహ్మాండ-జననీ దివ్యవిగ్రహా || 124 ||

క్లీంకారీ కేవలా గుహ్యా కైవల్య పదదాయినీ 

త్రిపురా త్రిజగద్వంద్యా త్రిమూర్తి స్త్రి దశేశ్వరీ || 125 ||

త్ర్యక్షరీ దివ్య-గంధాఢ్యా సింధూర తిలకాంచితా |

ఉమా శైలేంద్రతనయా గౌరీ గంధర్వ సేవితా || 126 ||

విశ్వగర్భా స్వర్ణగర్భావరదా వాగధీశ్వరీ || 

ధ్యానగమ్యాపరిచ్చేద్యా జ్ఞానదా జ్ఞానవిగ్రహా || 127 ||

సర్వవేదాంత సంవేద్యా సత్యానందస్వరూపిణీ |

లోపాముద్రార్చితా లీలా-క్లుప్త- బ్రహ్మాండ మండలా || 128 || 

అదృశ్యా దృశ్యరహితా విజ్ఞాత్రీ వేద్యవర్జితా | 

యోగినీ యోగదా యోగ్యా యోగానందా యుగంధరా|| 129 ||

ఇచ్చాశక్తి-జ్ఞానశక్తి-క్రియాశక్తి-స్వరూపిణి | 

సర్వాధారా సుప్రతిష్ఠా సదసద్రూప ధారిణీ || 130 ||

అష్టమూర్తిర్ అజాజైత్రీ లోకయాత్రా విధాయినీ |

ఏకాకినీ భూమరూపా నిర్వైతా ద్వైతవర్జితా || 131 || 

అన్నదా వసుధా వృద్ధా బ్రహ్మాత్మైక్య స్వరూపిణీ |

బృహతీ బ్రాహ్మణీ బ్రాహ్మీ బ్రహ్మానందా బలిప్రియా || 132 ||

భాషారూపా బృహత్సేనా భావాభావ-వివర్జితా | 

సుఖారాధ్యా శుభకరీ శోభనా సులభా గతిః || 133 ||

రాజ రాజేశ్వరీ రాజ్య-దాయినీ రాజ్య వల్లభా |

రాజతృ్కపా రాజపీఠ–నివేశిత నిజాశ్రితా || 134||

రాజ్యలక్ష్మీః కోశనాథా చతురంగ బలేశ్వరీ | 

సామ్రాజ్య దాయినీ సత్యసంధా సాగరమేఖలా || 135 ||

దీక్షితా దైత్యశమనీ సర్వలోక-వశంకరీ |

సర్వార్థదాత్రీ సావిత్రీ సచ్చిదానంద రూపిణి || 136 ||

దేశ కాలాపరిచ్చిన్నా సర్వగా సర్వమోహినీ |

సరస్వతీ శాస్త్రమయీ గుహాంబా గుహ్యరూపిణీ || 137||

సర్వోపాధి వినిర్ముక్తా సదాశివ పతివ్రతా | 

సంప్రదాయేశ్వరీ సాధ్వీ గురుమండల రూపిణీ || 138 ||

కులోత్తీర్ణా భగారాధ్యా మాయా మధుమతీ మహీ |

గణాంబా గుహ్యకారాధ్యా కోమలాంగీ గురుప్రియా|| 139||

స్వతంత్రా సర్వతంత్రేశీ దక్షిణామూర్తి - రూపిణి |

సనకాది సమారాధ్యా శివజ్ఞాన-ప్రదాయినీ || 140 ||

చిత్కలానంద—కలికా ప్రేమరూపా ప్రియంకరీ | 

నామపారాయణ ప్రీతా నందివిద్యా నటేశ్వరీ || 141 ||

మిథ్యా-జగదధిష్ఠానా ముక్తిదా ముక్తిరూపిణీ | 

లాస్యప్రియా లయకరీ లజ్జా రంభాదివందితా || 142 ||

భవదావసుధావృష్టిః పాపారణ్యదవానలా | 

దౌర్భాగ్య- తూలవాతూలా జరాధ్వాంత రవిప్రభా || 143 ||

భాగ్యాబ్ధి-చంద్రికా భక్త-చిత్తకేకి - ఘనాఘనా | 

రోగపర్వత-దమ్భోళిర్ మృత్యుదారు - కుఠారికా || 144 ||

-మహేశ్వరీ మహాకాళీ మహాగ్రాసా మహాశనా | 

అపర్ణా చండికా చండముండాసుర నిషూదినీ || 145 ||

క్షరాక్షరాత్మికా సర్వ-లోకేశ్రీ విశ్వధారిణీ |

త్రివర్గదాత్రీ సుభగా త్ర్యంబికా త్రిగుణాత్మికా || 146 ||

స్వర్గాపవర్గదా శుద్ధా జపాపుష్ప-నిభాకృతిః | 

ఓజోవతీ ద్యుతిధరా యజ్ఞరూపా ప్రియవ్రతా || 14 7 ||

దురారాధ్యా దురాధర్షా పాటలీ- కుసుమ ప్రియా | 

మహతీ మేరునిలయా మందార కుసుమ ప్రియా || 148 ||

వీరారాధ్యా విరాడ్రూపా విరజా విశ్వతోముఖి |

ప్రత్యగ్రూపా పరాకాశా ప్రాణదా ప్రాణరూపిణీ || 149 ||

మార్తాండ-భైరవారాధ్యా మంత్రిణిన్యస్త రాజ్యధూః |

త్రిపురేశీ జయత్సేనా నిస్త్రైగుణ్యా పరాపరా || 150 ||

సత్య-జ్ఞానానంద-రూపా సామరస్య - పరాయణా ||

కపర్దినీ కళామాలా కామధుః కామరూపిణీ || 151 ||

కళానిధిః కావ్యకళా రసజ్ఞా రసశేవధిః |

పుష్టా పురాతనా పూజ్యా పుష్కరా పుష్కరేక్షణా || 152 ||

పరంజ్యోతిః పరంధామ పరమాణుః పరాత్పరా |

పాశహస్తా పాశహంత్రీ పరమంత్ర విభేదినీ || 153 ||

మూర్తామూర్తానిత్యతృప్తా మునిమానస-హంసికా |

సత్యవ్రతా సత్యరూపా సర్వాంతర్యామినీ సతీ || 154 || 

బ్రహ్మాణి బ్రహ్మజననీ బహురూపా బుధార్చితా |

ప్రసవిత్రీ ప్రచండాజ్ఞా ప్రతిష్ఠా ప్రకటాకృతిః || 155 ||

ప్రాణేశ్వరీ ప్రాణదాత్రీ పంచా శత్పర రూపిణీ | 

విశృంఖలా వివిక్తస్థా వీరమాతా వియత్ప్రసూః || 156 ||

ముకుందా ముక్తినిలయా మూలవిగ్రహ రూపిణీ |

భావజ్ఞా భవరోగఘ్నీ భవచక్ర ప్రవర్తినీ || 157 ||

చందఃసారా శాస్త్రసారా మంత్రసారా తలోదరీ | 

ఉదారకీర్తి రుద్దామవైభవా వర్ణరూపిణి || 158 ||

జన్మమృత్యుజరాతప్త –జనవిశ్రాంతి దాయినీ | 

సర్వోపనిషదుద్-ఘుష్టా శాస్త్యతీత- కళాత్మికా || 159 ||

గంభీరా గగనాంతస్థా గర్వితా గానలోలుపా |

కల్పనా రహితా కాష్టాకాంతా కాంతార్ధ విగ్రహా || 160||

కార్యకారణ నిర్ముక్తా కామకేళి తరంగితా |

కనత్కనకతాటంకా లీలా విగ్రహ ధారిణి || 161 || 

అజా క్షయవినిర్ముక్తా ముగ్గా క్షిప్ర ప్రసాదినీ |

అంతర్ముఖ-సమారాధ్యా బహిర్ముఖ సుదుర్లభా || 162 ||

త్రయీ త్రివర్గనిలయా త్రిస్థా త్రిపురమాలినీ || 

నిరామయా నిరాలంబా స్వాత్మారామా సుధాకృతిః || 163 ||

సంసార పంక–నిర్మగ్న-సముద్ధరణ పండితా |

యజ్ఞప్రియా యజ్ఞకర్తీ యజమాన-స్వరూపిణీ || 164 ||

ధర్మాధారా ధనాధ్యక్షా ధనధాన్య- వివర్ధినీ |

విప్రప్రియా విప్రరూపా విశ్వభ్రమణ కారిణి || 165 ||

విశ్వగ్రాసా విద్రుమాభా వైష్ణవీ విష్ణురూపిణీ | 

అయోనిర్ యోనినిలయా కూటస్థా కులరూపిణి || 166 ||

వీరగోష్ఠిప్రియా వీరా నైష్కర్మ్యా నాదరూపిణీ | 

విజ్ఞానకలనా కల్యా విదగ్ధ బైందవాసనా || 167 ||

తత్త్వాధికా తత్త్వమయీ తత్త్వమర్థ స్వరూపిణి |

సామగానప్రియా సౌమ్యా సదాశివ కుటుంబినీ || 168 ||

సవ్యాపసవ్య మార్గస్థా సర్వాపద్వినివారిణి | 

స్వస్థా స్వభావమధురా ధీరా ధీరసమర్చితా || 169 ||

చైతన్యార్ఘ్య–సమారాధ్యా చైతన్య కుసుమప్రియా | 

సదోదితా సదాతుష్టా తరుణాదిత్య- పాటలా || 170 ||

దక్షిణా-దక్షిణారాధ్యా దరస్మేర ముఖాంబుజా || 

కౌళినీ-కేవలానర్ఘ్య-కైవల్య-పదదాయినీ || 171 ||

స్తోత్రప్రియా స్తుతిమతీ శ్రుతి సంస్తుత వైభవా | 

మనస్వినీ మానవతీ మహేశీ మంగళాకృతిః || 172 ||

విశ్వమాతా జగద్ధాత్రీ విశాలాక్షీ విరాగిణీ |

ప్రగల్భా పరమోదారా పరామోదా మనోమయీ || 173 ||

వ్యోమకేశీ విమానస్థా వజ్రిణీ వామకేశ్వరీ |

పంచయజ్ఞ-ప్రియా పంచ- ప్రేత- మంచాధిశాయినీ || 174 || 

పంచమీ పంచభూతేశీ పంచసంఖ్యోపచారిణి |

శాశ్వతీ శాశ్వతైశ్వర్యా శర్మదా శంభు మోహినీ || 175 ||

ధరా ధరసుతా ధన్యా ధర్మిణి ధర్మవర్ధినీ | 

లోకాతీతా గుణాతీతా సర్వాతీతా శమాత్మికా || 176 ||

బంధూక-కుసుమప్రఖ్యా బాలా లీలావినోదినీ | 

సుమంగళీ సుఖకరీ సువేషాఢ్యా సువాసినీ || 177 ||

సువాసిన్యర్చన–ప్రీతాశోభనా శుద్ధమానసా | 

బిందు-తర్పణ–సంతుష్టా పూర్వజా త్రిపురాంబికా|| 178 || 

దశముద్రా–సమారాధ్యా త్రిపురాశ్రీ వశంకరీ | 

జ్ఞానముద్రా జ్ఞానగమ్యా జ్ఞానజ్ఞేయ- స్వరూపిణి || 179 ||

యోనిముద్రా త్రిఖండేశీ త్రిగుణాంబా త్రికోణగా | 

అనఘాద్భుత చారిత్రా వాంచితార్ధ ప్రదాయినీ || 180 ||

అభ్యాసాతిశయ-జ్ఞాతా షడద్వాతీత రూపిణీ |

అవ్యాజకరుణా–మూర్తిర్ అజ్ఞాన-ధ్వాన్త-దీపికా || 181 ||

ఆబాల గోప-విదితా సర్వానుల్లజ్ఝ్య శాసనా |

శ్రీచక్రరాజ–నిలయా శ్రీమత్- త్రిపురసుందరీ || 182 ||

శ్రీశివా శివ-శక్యైక్య-రూపిణీ లలితాంబికా |

ఏవం శ్రీలలితా దేవ్యా నామ్నాం సాహస్రకం జగుః ||

ఇతి శ్రీ బ్రహ్మాణ పురాణే ఉత్తరఖండే 

శ్రీ హయగ్రీవాగస్త్య సంవాదే

శ్రీలలితా సహస్రనామ స్తోత్ర కథనం సంపూర్ణం ||